Gabay ng mga Dayuhan sa Pamumuhay sa Iwate

Legal na isyu

Mga Batas ng
Bansang Hapon

Sistema ng Hustisya

Halaga para sa Kaso

Abogado

Mga Batas ng Bansang Hapon

Ang mga batas ay patakaran upang mapanatili ang kaayusan sa lipunan at dapat na sundin ng mga mamamayan sa lipunan. Lahat ng mga dayuhan, bukod sa mga diplomat, na nasa bansang hapon, ay dapat sumunod sa batas ng bansang Hapon. Kung walang batas walang paraan para ayusin at kung kinakailangan, parurusahan ang kilos ng mga miyembro ng lipunan. Puwedeng sabihin na ang batas ay ginawa para sa kalayaan.

Ang iba’t-ibang klase ng batas ng bansang Hapon ay ang mga sumusunod:

･Konstitusyon
Batas na nagpapasiya kung anong klaseng bansa ang bansang Hapon; nangunguna sa ibang mga batas.

･Lehislasyon
Batas na ginagawa ng nag-iisang pambatasan ng bansang Hapon, ang Nasyonal Diet.

･Mga ordinansa, regulasyon at batas ng pamahalaan, at ministeryo
Batas kung saan pinagpapasiyahan ng gabinete, ministeryo, kamara, at ang Court of Appeal, na akma sa lehislasyon para sa pagpapatupad ng batas.

･Acts
Batas na pinagpapasiyahan ng lokal na administrasyon, batay sa patakaran ng lehislasyon.

May maraming batas na pinapairal sa bansang hapon, at mahirap alamin ang lahat. Gayunman, kung ginagamit mo lang ang iyong sentido komon sa pang araw-araw na pamumuhay at walang ginagawa na magiging dahilan ng abala sa ibang tao, tiyak na walang batas na sinusuway.

Gayunman, ang pagiging mangmang sa batas ay hindi dahilan para hindi ka parusahan kung hindi susundin ang batas. At pati ang iyong karapatan ay hindi mapakikinabangan kung hindi ito gagamitin. Dahil dito kinakailangan na tingnan ang lahat ng impormasyon na binibigay ng administrasyon.